Rusiya Gürcüstanın hava məkanını pozub

Gürcüstan Müdafiə Nazirliyi ölkənin hava məkanının Rusiya hərbi helikopteri tərəfindən pozulması haqqında açıqlama yayıb.

 

APA-nın "İnterfaks”a istinadən verdiyi məlumata görə, açıqlamada bildirilir ki, Rusiya helikopteri işğal xəttini keçib və bir neçə dəqiqə sonra geri dönüb. Hadisənin konkret harada baş verdiyi haqda məlumat verilməyib.

 

Xatırladaq ki, Gürcüstanın işğal altındakı Cənubi Osetiya və Abxaziya bölgələrində Rusiya hərbi bazaları mövcuddur.