Rusiya XİN: Ankara Moskva ilə konstruktiv dialoq imkanlarını heçə endirir

"Rəsmi Ankaranın "dəhşətli ritorikası” Rusiya ilə konstruktiv dialoq imkanlarını heçə endirir”.

APA-nın "RİA Novosti” agentliyinə istinadən verdiyi xəbərə görə, bunu Rusiya Xarici İşlər Nazirliyinin sözçüsü Mariya Zaxarova keçirdiyi ənənəvi brifinqdə bildirib.

 

Xatırladaq ki, Rusiya və Türkiyə arasında münasibətlər Türkiyəyə məxsus F-16 təyyarəsinin Rusiyanın Su-24 təyyarəsini vurmasından sonra gərginləşib. Türkiyə addımının ölkə sərhədlərinin təhlükəsizliyinin qorunması ilə əlaqələndirsə də, Rusiya prezidenti bunu "arxadan vurulmuş zərbə” kimi dəyərləndirib. Öz növbəsində Türkiyə baş naziri Ə. Davudoğlu Türkiyəyə qarşı əsassız ittihamları qəbul etməyəcəklərini diqqətə çatdırıb.

 

Qeyd edək ki, bu gün Rusiyanın Türkiyəyə qarşı tətbiq etdiyi sanksiyaların miqyasını genişləndirəcəyi ilə bağlı xəbərlər yayılıb.