Ankara qoşunlarını İraqdan çıxarır

Türkiyə geri çəkildi.

Türkiyə XİN "Peşmərgə” kürd təlim düşərgəsində hərbçilərin yerləşdirilməsinə dair "İraq hökuməti ilə anlaşılmazlıq” barədə məlumat yayıb.

Oxu.Az TASS-a istinadən xəbər verir ki, bu barədə Xarici İşlər Nazirliyinin yaydığı məlumatda deyilir.

"Türkiyə İraqın ərazi bütövlüyü prinsipini və onun müstəqilliyini dəstəkləyir və İŞİD ilə mübarizə aparan İraq qüvvələrinin təlimi məqsədi ilə hərbçilərin yerləşdirilməsində İraq hakimiyyəti ilə anlaşılmazlığı etiraf edir.

Türkiyə İraq tərəfinin narahatlığını nəzərə alaraq və tələblərə uyğun olaraq, anlaşılmazlığa səbəb olan qoşunlarını Mosuldan çıxardacaq”, - bəyanatda qeyd edilir.

XİN həmçinin Ankaranın İraq ilə İŞİD üzərində qələbə çalmaq və onu tamamilə məhv etmək üçün daha da sıx əməkdaşlığa hazır olduğunu qeyd edib.