Dubayda yanğında xəsarət alanlar arasında azərbaycanlı yoxdur

Xarici İşlər Nazirliyinin mətbuat katibi Hikmət Hacıyev Oxu.Az-a açıqlamasında bildirib ki, Dubay Əmirliyinin dövlət orqanları tərəfindən Azərbaycanın bu şəhərdəki Baş Konsulluğuna verilən rəsmi məlumata görə xəsarət alanlar arasında Azərbaycan vətəndaşları yoxdur. Qeyd edək ki, dekabrın 31-də yeni ilin gəlişinə az qalmış Dubaydakı çoxmərtəbəli "Address Downtown” mehmanxanasında yanğın baş verib. Yanğın zamanı mehmanxanada olanların hamısı təxliyə edilib. Hadisə nəticəsində 16 nəfər yüngül xəsarət alıb, bir nəfər basabasda ürək tutmasından ölüb. Yanğının səbəbləri hələlik məlum deyil. Yanğın zamanı mehmanxanada yeni ili qeyd edənlər arasında Azərbaycan vətəndaşları da olub.