Suriya münaqişəsi: Hava zərbələri iki xəstəxananı "məhv edib"

Suriyada iki xəstəxana hava zəbələri nəticəsində vurulub, həlak olan və yaralananlar var, həkimlər və şahidlər bildirir.

Məlumata görə, Əzəz şəhərində raketlər xəstəxana binasındakı bir neçə nəfər də daxil olmaqla azı 10 nəfərin ölümünə səbəb olub.

Suriyanın şimal-qərbində Maarat əl-Numan şəhərində yerləşən Sərhədsiz Həkimlər təşkilatı tərəfindən dəstəklənən xəstəxana, heyətin səkkiz üzvünün itkin düşdüyü bildirir.

Tibbi xeyriyyə təşkilatına hücuma görə kimin məsuliyyət daşıdığı bildirilməyib.

Bir monitorinq qrupunun yaydığı məlumata görə, Rusiya təyyarələri şəhəri hədəf alıb.
Davutoğlunun ittihamı

Hava zərbəsi Rusiya və digər dünya dövlətlərinin Suriyada hərbi əməliyyatların dayandırılması barədə razılığa gəlməsindən bir neçə gün sonra baş verib.

Suriyada 5 illik vətəndaş müharibəsi zamanı 250 mindən çox insan həyatını itirib, 11 milyondan çox vətəndaş didərgin düşüb.

Türkiyə baş naziri Ahmet Davutoğlu bildirib ki, Rusiya ballistik raketləri Əzəzdə binaları vurub.

Rusiya ötən ilin sentyabrından bəri prezident Bəşər Əsədi dəstəkləmək məqsədilə Suriyada hava zərbələri həyata keçirir.

Sərhədsiz Həkimlər təşkilatı bildirib ki, üsyançıların nəzarətində olan Maarat əl-Numan şəhərindəki xəstəxanaya bazar ertəsi səhər saatlarında bir neçə dəqiqə ərzində 4 raket zərbəsi endirilib.

Sərhədsiz Həkimlərin Suriyadakı missiyasının rəhbəri Massimiliano Rebaudengo deyib ki, bu səhiyyə strukturuna qəsdən hücumdur və təşkilat bu hücumu qətiyyyətlə pisləyir.

Fevralın 5-də cənub əyaləti Dərada təşkilatın dəstəklədiyi digər xəstəxana hava zərbələrinə məruz qalıb və 6 nəfərin həlak olmasına səbəb olub.

Sərhədsiz Həkimlər təşkilatı Suriyada 150 səhiyyə müəssisəsini dəstəkləyir. Bu ilin əvvəlindən bəri 14-ə yaxın xəstəxana hava zərbələrindən ziyan görüb. //bbc.com/azeri
www.ann.az