Vaşinqtonda "Qarabağ" filmi nümayiş olundu
28.02.2016 14:59
Amerika Birləşmiş Ştatlarının paytaxtı Vaşinqtonda toplanan türk icması Xocalı qurbanlarını anıb. ANS TV-nin məlumatına görə, ABŞ-ın paytaxtında Heydər Əliyev fondu tərəfindən türk icmasına göndərilən fotolardan ibarət sərgi təşkil olunub. İki gün davam edən sərgiyə yüzlərlə amerikalı ilə yanaşı türklər də maraq göstərirdilər. Türk icmasının üzvləri çıxışlarında ermənilərin azərbaycanlılara qarşı apardığı soyqrım siyasətini xüsusi olaraq qabardırdılar. Ermənilərin terrorçu siyasətini müasir dünyaya tanıtmaq üçün azərbaycanlıların da dəstəyinə ehtiyacları olduğunu söyləyirdilər.
Konfrans çərçivəsində Amerikalı jurnalist Tomas Holtsun 'Qarabağ' futbol klubu barədə çəkdiyi filmin amerika cəmiyyətinə təqdimatı oldu.
Film haqqında fikirlərini bölüşən amerikalı jurnalist dedi ki, o, Azərbaycanın əsas problemi olan Dağlıq Qarbağ münaqişəsini dünyaya fərqli formada təqdim etmək istəyir. Təbirincə desək yer üzündə milyardlarla tamaşaçısı olan futbol üzərindən bir xalqın faciəsini tanıtmaq daha səmərəli ola bilər.
www.ann.az
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
