15-dən çox ölkə neft hasilatının dondurulmasına razıdır

Oxu.Az-ın RİA Novosti agentliyinə istinadən məlumatına görə, bu sözləri Rusiya energetika naziri Aleksandr Novak deyib.

"Əslində, bu günə olan məlumata əsasən, 15 ölkə neft hasilatının həcminin 2016-cı ilin yanvar səviyyəsində dondurulmasına razılığını bildirib. Lakin bu bəyanatların təsdiqlənməsi üçün nazirlər səviyyəsində görüş keçirib bu qərarı təsdiq etmək lazımdır”, - nazir deyib.

Novak əlavə edib ki, hətta İran bu razılaşmaya qoşulmasa belə, neft hasilatının dondurulması öz effektini göstərəcək. Bunula belə, nazir qeyd edib ki, qara qızılın qiyməti 2014-cü ildəki səviyyəsinə qayıtmayacaq.