Obama: Putin tamamən axmaq deyil

"O, heç bir zaman məni iki saat gözləməyə məcbur etmir”.

ABŞ prezidenti Barak Obama hesab edir ki, Rusiya prezidenti Vladimir Putin "tamamən axmaq deyil” (not completely stupid), belə ki, Amerika ilə işlə daima maraqlanır.

Oxu.Az xəbər verir ki, o, bu barədə "The Atlantic” nəşrinə verdiyi müsahibəsində bildirib, 112.ua yazır.

Düzünü desəm, Putin bizim görüşlərimizdə çöx nəzakətli və açıq sözlüdür. Görüşlərimiz işgüzar xarakter daşıyır. Digərləri kimi o, heç bir zaman məni iki saat gözləməyə məcbur etmir”, - Obama deyib.

Bununla yanaşı, ABŞ prezidenti əlavə edib ki, Putin ABŞ ilə münasibətlərinin amerikalıların düşündüyündən daha mühüm olduğunu hesab edir.

"O daima həmkarımız kimi bizimlə necə işləmək lazım olduğu ilə maraqlanır, çünki tamamən axmaq deyil (not completely stupid). O anlayır ki, Rusiyanın dünyada ümumi mövqeyi yetərincə azalıb. Və onun Krıma müdaxilə etməsi və ya Əsədi dəstəkləməsi faktı, onu gözlənilmədən oyunçu etmir”, - ABŞ lideri bildirib.

Amerikalı liderin fikrincə, Putin Ukrayna ilə qəddarcasına davranıb. Belə ki, o, Rusiyanın caynağından "çıxmağa çalışan müştəri ölkə idi”.

Obama qeyd edib ki, ABŞ-ın nə etməsindən asılı olmayaraq, "NATO-nun üzv ölkəsi olmayan Ukrayna Rusiyanın hərbi dominantlığı qarşısında zəif olacaq”.