ABŞ-da ilk Türk İslam Mərkəzi açılacaq

ABŞ-da ilk Türk İslam Mərkəzi açılacaq.

 

ANS PRESS-in "Anadolu" xəbər agentliyinə istinadla verdiyi məlumata görə, mərkəzin açılışını bu ayın sonunda Amerikaya səfər edəcək Türkiyə prezidenti Rəcəb Tayyib Ərdoğan edəcək. "Amerika Dəyanət Mərkəzi" aprelin 2-də açılacaq və xidmətə başlayacaq. Bu mərkəz ABŞ-dakı müsəlmanları eyni dam altında birləşdirəcək ilk türk İslam mərkəzi olacaq. 

Amerika Dəyanət Mərkəzinin məlumatına görə, burada İslam dini haqqında, əxlaq, anlayış barədə məlumatlar veriləcək. 

Kompleksdə məsciddə var. Bundan başqa kompleksə qonaq evi, ənənəvi türk evləri, mədəniyyət mərkəzi və sairə də daxildir. Mərkəzi bina 16-cı əsr Osmanlı memarlığına uyğun inşa edilib. Bu, ABŞ-dakı iki minarəli tək məscid olacaq. Eyni anda burada 3 min insan ibadətlə məşğul ola biləcək. 

Məscid 1879 kvadrat metr ərazidə tikilib. İbadət ocağının altında isə 300 kvadrat metrlik İslam Əsərləri Muzeyi yer alıb. 

Külliyə içərisində Səlçuqlular memarlığına uyğun tikilən mədəniyyət mərkəzində isə kitabxana, konfrans və sərgi salonu, toplantı zalları var. İslam Araşdırmaları Mərkəzində Türkiyədən ABŞ-a ali təhsil almağa gedən tələbələrə müşavirlik xidməti də veriləcək. 

31-də Vaşinqtonda keçiriləcək Nüvə Təhlükəsizliyi Sammiti keçiriləcək. Sammitdə bir çox ölkə liderləri, o cümlədən Türkiyə prezidentio Rəcəb Tayyib Ərdoğan və Azərbaycanın dövlət başçısı İlham Əliyev də iştirak edəcək.