Arktikanın buz qatı əriyir

Bu qış havanın qeyri-adi dərəcədə isti keçməsi Şimal Buzlu Okeanının buz qatını rekord səviyyədə əridib. Məlumatı ABŞ alimləri martın 28-də yayıb.

Martın 24-də buz qatı 5.607 milyon kvadratmilə çatıb ki, bu da ötən qışdakından 5 min mil azdır. 30 illik orta səviyyədən isə 431 min kvadratmil kiçikdir.

Hava elə isti keçib ki, Rusiya ilə ABŞ-ın Alyaska ştatı arasında yerləşən Barens dənizi qışın əksər hissəsi, demək olar ki, buzsuz qalıb. Bu da qeyri-adi hal sayılır. 

Peyklər buzu ölçməyə 1979-c ildən başlayıblar. Rekord səviyyə də o vaxtdan hesablanır.

Şimal Qütbündə temperatur Farenheyt şkalası ilə normadan 16 dərəcə isti olub. Arktikanın digər hissələrində isə normadan 4-11 ºF dərəcə artıq istilik qeydə alınıb. 

NASA alimləri bildirirlər ki, buzun belə əriməsi qlobal istiləşməylə bağlıdır. /Azadliq.org