İran parlamentində rekord sayda qadın

İran Prezidenti Hassan Rohani ölkə parlamentinə rekord sayda qadın seçilməsini alqışlayıb.

"İlk dəfə olaraq, parlamentimizdə 18 qadın var. Bu rekord say bizi xeyli xoşbəxt edir”, Rohani mayın 1-də Tehranda deyib və ümidini bildirib ki, daha çox qadın siyasətə qoşulmağa həvəslənəcək.

Aprelin 29-da seçkinin ikinci raundunda 4 qadın da seçilib və qadın deputatların sayı 18-ə çatıb.

Öncəki parlamentdə assambleyanın 290 üzvündən doqquzu qadın idi.

18 qadın deputat ya Rohani-nin islahatçı fraksiyasının üzvüdür, yaxud da seçkiyə müstəqil qatılıb.

Mühafizəkar xətt tərəfdarı olan qadınlardan parlamentə seçilən olmayıb.

Müqayisə üçün, ABŞ Konqresindəki 538 yerin 104-nü qadınlar tutub ki, bu da ümumi sayın 19.4 faizi edir. (AZadliq.org)