Polis bölməsinə hücum: Ölən və yaralananlar var

Venesuelanın Portuqesa ştatında polis bölməsinə hücum nəticəsində hüquq-mühafizə orqanlarının bir əməkdaşı ölüb, daha iyirmi beşi yaralanıb.

Oxu.Az-ın RİA Novosti-yə istinadən xəbərinə görə, bu barədə ştatının qubernatoru Reynaldo Kastanyeda məlumat verib.

Bildirilir ki, yaralanan şəxslərdən üçünün vəziyyəti ağırdır. 

Qubernatorun sözlərinə əsasən, Quanare şəhərində iki naməlum şəxs polis bölməsinə qumbaralar atıb. Onlardan biri atışma zamanı polis tərəfindən zərərsizləşdirilib. Kastanyeda hadisəni terror aktı kimi qiymətləndirib.