Braziliya prezidenti: Təslim olmayacam
09.07.2016 12:31
"Məndən xahiş etdilər, məni razı salmaq istədilər, hətta mənə təzyiq göstərdilər ki, könüllü olaraq vəzifəmdən istefa verim. Amma mən bunu heç vaxt etməyəcəyəm, çünki mənə 54 milyon insan səs verib”.
ANS PRESS-in məlumatına görə, bunu bir müddət öncə impiçmentə göndərilən Braziliya prezidenti Dilma Russef deyib. Senat tərəfindən prezidentlik kürsüsündən müvəqqəti kənarlaşdırılan Russef istefa verməyəcəyini bəyan edib.
"Mən təslim olmayacağam. Mənim şərəf və ləyaqətim var", yerli "Telesur" kanalının məlumatına görə, o femninist hərəkatının üzvləri ilə San Pauluda keçirilən görüşündə belə deyib.
Mayın 12-də Senat Dilma Russefə qarşı impiçment prosedurunun davam etməsini dəstəkləyib. Buna görə də Braziliya Prezidenti müvəqqəti olaraq vəzifəsindən kənarlaşdırılıb, onun səlahiyyətlərini isə vitse-prezident Mişel Temer yerinə yetirir. Senatorlar 180 gün ərzində impiçment təşəbbüskarlarının prezidentlə bağlı ittihamlarını araşdıracaq.
Əgər yekun səsvermədə Senatın üzvləri bu ittihamlarla razılaşarlarsa Dilma Dussef istefaya göndəriləcək, Mişel Temer isə 2018-ci ildə keçiriləcək seçkilərə qədər prezident səlahiyyətlərini icra edəcək. Senatın üzvləri ittihamlarla razılaşmayacaqları təqdirdə isə Dilma Russef vəzifə səlahiyyətlərini yerinə yetirməyə başlayacaq.
Yekun qərarın avqustun sonunda veriləcəyi gözlənilir.
www.ann.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
