Klinton: "Tramp ABŞ üçün təhlükəlidir"

"Report" TASSa istinadən xəbər verir ki, bunu ABŞ prezidentliyinə iddiaçı Hillari Klinton ölkənin İllinoys ştatının Sprinqfilde şəhərindəki seçkiqabağı mitinqdə bildirib.

Onun sözlərinə görə, milyader Donald Trampın seçki kampaniyası "elə dağıdıcıdır ki, indiyəcən belə təbliğata rast gəlinməyib".

Prezidentliyə iddiaçı bildirib ki, onun Respublikaçılar Partiyasından olacaq rəqibi çıxşları ilə ABŞ əhalisini bir-birinə qarşı qoyur. O, Trampım müsəlmanlar, azlıqlar və qadınlar haqda söylədikləri aşağılayıcı fikirlərə diqqət çəkib. H.Klinton rəqibinin ABŞ cəmiyətini parçaladığını da vurğulayıb.

Qeyd edək ki, iyulun 18-21-də ölkənin Ohayo ştatının Klivlend şəhərində Respbulikaçılar Partiyasının qurultayında Donald Tramp prezidentliyə rəsmi namizəd olaraq irəli sürüləcək. İyulun 25-28-də isə Demokratlar Partiyası Pensilvaniya ştatının Filadelfiya şəhərində Hillari Klintonun ölkə prezidenltinə namizdəliyinin rəsmiləşdirəcəklər.