ABŞ-da aktiv neft qazma quyularının sayı artıb

Bazarda neft hasilatı çoxalır.

ABŞ-da neft və qaz qazma qurğularının sayı ötən həftə artıb.

Oxu.Az xəbər verir ki, neft sənayesi şirkəti "Baker Hughes” tərəfindən açıqlanan məlumatlara görə, ölkədə qazma qurğularının sayı 15 ədəd artaraq 462 ədəd olub.

Qazma qurğularının 440 ədədi quruda, 3 ədədi daxili, 19 ədədi isə açıq sularda yer alıb. Aktiv neft qazma quyularının sayı isə 14 artaraq 371-ə çıxıb. 

Qeyd edək ki, analtiklər neftin qiymətlərinin müşahidə edilən enməni məhz bununla əlaqələndirirlər. Belə ki, aktiv qazma quyularının sayının artması hasilatın çoxlamasına işarədir.