Jirinovski: Tüpürüm Ermənistana

V.Jirinovski: Bizə Türkiyə ilə sərhəd sərfəlidir. 70 milyon əhalisi olan müttəfiq ölkə bizə lazımdır. Bizə düşmən, NATO üzvü Türkiyə lazım deyil, o, bizə bütün Qara dənizi bağlayar.

V.Jirinovski: Mən sizi əmin edirəm, 5-10 il sonra biz cənubda yeni dövlət yaradacağıq-Rusiya, Türkiyə, İran, Suriya, İraq. O vaxt orada sülh olacaq. Bu ittifaq Rusiya, Ukrayna və Belarusdan daha yaxşı olacaq. Budur sizə qardaş slavyanlar, slavyanların və pravoslavların arasında satqın daha çoxdur. Hamısı satqındır. Onlar isə sadiq olacaq, çünki biz onların təhlükəsizliyini təmin edəcəyik. Bu, böyük ittifaq olacaq!

V.Jirinovski: Tramp, Hillari - bütün Amerikaya tüpürüm. Biz ayrı yaşayırıq və onlar bizi qətiyyən maraqlandırmır. Orada kimi prezident seçəcəklərsə Barak Obamanın etdiyini edəcək. Barak Obama isə Buşun elədiyini elədi. Buş isə Klintonun elədiyini. ABŞ-da prezidentlər heç bir rol oynamırlar, necə ki bizdə əvvəllər baş katiblər var idi. Ona görə də biz neytral mövqe tutmalıyıq, əks halda onlara mane olarıq. Amerikada Rusiyanı sevmirlər.

V.Jirinovski: Tüpürüm Ermənistana...

V.Jirinovski: Olimpiya oyunlarına da tüpürüm. Başa düşürsünüz, milyonlarla bizim adamlar bu Olimpiya oyunları və hansısa dopinqlə heç maraqlanmır da.

V.Jirinovski: İnsanlar özləri dopinq almaq istəyir, geniş mənada, çünki yaşamaq çətindir.

V.Jirinovski: İnsanların özünə ola bilsin dopinq lazım gələcək. Ermənistan əhalisinə də? Orada müntəzəm olaraq çıxışlar olacaq. Balaca ölkədir, dağlıq ölkədir, dağların arasında, Türkiyə və Azərbaycanın arasında sıxışıb, heç bir perspektiv, heç bir iqtisadiyyat yoxdur. Orada artıq bir milyon erməni qalıb. Dünyada isə cəmi 6 milyondurlar. Hamısı qaçıb. Livan, İran, Rusiya, Fransa, Ştatlar-hər yerdə gəzirlər. Orada yaşamağa yer yoxdur-dağlardır. Təbii ki, orada müxtəlif qruplaşmalar bir-birinə qarşı nəsə edəcək.

V.Jirinovski: Siz Allah bəsdirin! Bax budur, bizə tüpürəcəklər-bazamızı götürəcəyik. Diz çöküb yalvaracaqlar ki, bazanı qaytaraq. Bu baza onların xilasıdır, əks halda iki tərəfdən türklərlə azərbaycanlılar onları yer üzündən siləcək. Ona görə də Ermənistan haqda narahat olmağa dəyməz. Onlar bizdən heç yana qaçan deyil, çünki bu halda onların sonu çatacaq, tam sonu çatacaq.

Azərbaycanlılar dərhal Qarabağı götürəcəklər, türklər kömək edəcək. Üç yüz il əvvəl erməniləri II Yekatrina xilas edib.