Savçenko yenə də aclıq aksiyası elan edib

Oxu.Az xəbər verir ki, bu barədə "112 Ukrayna” telekanalı məlumat verib.

"Ukraynalıların girovluqdan azad edilməsi üzrə hərəkətsizlik səbəbi ilə bu gündən etibarən yenə aclıq aksiyasına başlayıram. Aclıq aksiyasına müsbət nəticə alınana qədər davam edəcəyəm”, - deyə N.Savçenko bildirib.

Qeyd edək ki, N.Savçenko 2014-cü ilin iyul ayından Rusiyada nəzarətdə saxlanılıb. İstintaq zamanı o, bir neçə dəfə aclıq aksiyası keçirib. Bu ilin mart ayında Rostov vilayətindəki məhkəmənin hökmü ilə ukraynalı deputat 22 illiyə azadlıqdan məhrum edilib. May ayında isə Rusiya prezidenti Vladimir Putin həlak olanların yaxınlarının xahişi ilə onu əfv edib. Bundan sonra N.Savçenko vətənə dönüb.