İsraildə uşaqlara həbsxana cəzası veriləcək
03.08.2016 14:28
İsrail parlamenti qətldə və digər ağır cinayətlərdə ittiham edilən və yaşı 14-dən aşağı olan uşaqlara həbsxana cəzasını nəzərdə tutan qanunu qəbul edib.
Bu barədə Trend RİA Novosti-yə istinadən xəbər verir.
Knessetin mətbuat xidmətindən bildiriblər ki, bu təşəbbüs keçən ilin payızında Fələstin tərəfindən çoxsaylı hücümlara reaksiya kimi qəbul edilib. Bu hadisələrdə 40 nəfər həlak olub və yüzlərlə insan yaralanıb. Dəfələrlə belə hücümlar yeniyetmələr tərəfindən həyata keçirilib.
Yeni qanuna əsasən, məhkəmələr 14 yaşa çatmayan uşaqlara həbsxana cəzasını nəzərdə tutan qərarları verə biləcək. Amma uşaqlar cəzalarını 14 yaşa çatdıqdan sonra çəkəcəklər. 14 yaşa qədər olan uşaqlar isə qapalı tipli internatlarda saxlanılacaqlar.
www.ann.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
