Azərbaycan Gürcüstana sərmayə qoyuluşunda birinci oldu

Gürcüstana birbaşa xarici investisiya həcminə görə Azərbaycan birinci yerdədir.

ANN.Az-ın APA-ya istinadən məlumatına görə, 2015-ci ildə Gürcüstana birbaşa xarici investisiyalar 1 milyard 564 milyon dollar təşkil edib, bu investisiyaların həcmi 2014-cü illə müqayisədə 11% azdır.

2015-ci ilin rəqəmlərinə əsasən, Gürcüstana yatırılan birbaşa xarici investisiya həcminə görə Azərbaycan 35%-lıq pay ilə birinci yeri tutub (550 milyon dollar). Birləşmiş Krallıq 25% ilə ikinci (386 milyon dollar), Niderland isə 10% ilə üçüncü (155 milyon) yerdə qərarlaşıb.