ABŞ Rusiya-Türkiyə münasibətlərinin yaxşılaşmasından ehtiyatlanmağa səbəb görmür

 ABŞ Rusiya-Türkiyə münasibətlərinin yaxşılaşmasından ehtiyatlanmağa səbəb görmür.

 

APA-nın "RİA Novosti”yə istinadən verdiyi xəbərə görə, bunu Dövlət Departamentinin rəsmi nümayəndəsi Con Kirbi deyib.

 

"Türkiyə və Rusiya arasındakı ikitərəfli münasibətləri yalnız onların ikisində aiddir”, - deyə Kirbi Ankaranın Moskva ilə münasibətləri möhkəmləndirmək niyyətini şərh edərkən bildirib.     

 

"Bunun üçün heç bir qadağa yoxdur və bu iki ölkə arasında münasibətlərin yaxşılaşmasından ehtiyatlanmağa da səbəb yoxdur”, - deyə Kirbi qeyd edib.  

 

"Türkiyə NATO-nun üzvü və İŞİD-lə mübarizə kampaniyasının mühüm hissəsi olaraq qalır. Mən  NATO adından çıxış edə bilmərəm, lakin, ABŞ Alyansın üzvüdür və biz Türkiyənin bütün əməliyyatlarımızda iştirak etməkdə davam edəcəyinə inanırıq”.