Yaponiyada qasırğa: 10 mindən çox şəxs təxliyyə edilib

Tokio və Tibanın rayonlarında tüğyan edən qasırğa nəticəsində 62 ev zədələnib.

Yaponiyanın şimali-şərqində Mindulle qasırğası nəticəsində 10 mindən çox adam təxliyyə edilib.

Oxu.Az RİA Novosti-yə istinadən xəbər verir ki, Tokio və onun ətraf rayonlarına güclü yağışlar, dalğa və küləklə müşayiət edilən qasırğa okean istiqamətindən gəlib. 

Çayların suyu daşıb, sürüşmə təhlükəsi yaranıb. Bir nəfər ölüb, 60-dan çox adam müxtəlif dərəcəli xəsarətlər alıb. 

Mindulle qasırğasının zəiflədikdən sonra gəldiyi Hokkaydo adasında 10 min 157 nəfər evlərini tərk etmə göstərişi alıb. Sürüşmələr Hidaki rayonunda səhər saatlarında baş verib. 

Tokio və Tibanın rayonlarında bu ərəfədə tüğyan edən qasırğa nəticəsində 62 ev zədələnib.