Qırğızıstanda terror təşkilatının lideri saxlanıldı
24.08.2016 13:31
Qırğızıstan Dövlət Milli Təhlükəsizlik Komitəsinin (DMTK) əməkdaşları ölkədə fəaliyyət göstərən terror təşkilatının liderini saxlayıb.
"Report" TASS-a istinadən xəbər verir ki, bu barədə DMTK-nın rəsmi nümayəndəsi Rahat Sulaymanov məlumat verib.
"Nəzarət altına alınmış ölkəmizin 24 yaşlı vətəndaşının mənzilinin axtarışı zamanı 1 ədəd Makarov tipli tapança, 1 ədəd RQD-5 qumbarası, partlayıcı qurğular üçün detonasiya telləri, döyüş sursatı, eləcə də ekstremist səciyyəvi materiallar aşkar edilib", - deyə R.Sulaymanov bildirib.
DMTK-nın rəsmi nümayəndəsinin sözlərinə görə, əməliyyat zamanı orqan əməkdaşları tərəfindən silah işlədilməyib. Fakt üzrə cinayət işi açılıb və müvafiq əməliyyat-axtarış tədbirləri davam etdirilir.
www.ann.az
Telegram
Bizi Teleqramda izləyin
Oxşar xəbərlər
Oxşar xəbərlər
Foto
Video
