Rusiya Ukraynanın əvəzində "Eurovision" keçirəcək? - İDDİA

ANN.Az Avropa Yayım Şurasına istinadən xəbər verir ki, Ukrayna hökuməti  oktyabr ayına qədər 2017-ci ildə "Eurovision" musiqi yarışmasının keçirilməsi üçün şəhəri müəyyən etməyəcəyi halda bu hüququ Rusiya və Avstraliya əldə edə bilər.

"Ukrayna 2016-cı ildə qalib olub, buna görə qalibiyyəti onlardan heç kim ala bilməz. Ancaq oktyabrdan gec olmayaraq müsabiqənin keçiriləcəyi şəhər bəlli olmalıdır", - deyə Şurada bildiriblər.

Xatırladaq ki, bu il İsveçin paytaxtı Stokholmda keçirilən Eurovision mahnı müsabiqəsində Ukrayna təmsilçisi Camala "1944" mahnısı ilə ilk yeri tutub.