Dünyada hər 40 saniyədən bir kimsə özünü öldürür

ANN.Az-ın məlumatına görə, Azərtac BMT-nin Xəbərlər Mərkəzinə istinadla xəbər verir ki, bu tarixin təqvimə əlavə edilməsinin təşəbbüsçüsü Beynəlxalq İntiharların Qarşısını Alma Assosiasiyasıdır (BİQAA və həmin gün Dünya Səhiyyə Təşkilatının (DST) dəstəyi və BMT-nin himayəsi ilə həyata keçirilir.

Müasir həyat və iş ritmləri, habelə bir çox subyektiv amillər müəyyən anda insanı son addıma - canına qəsd etməyə sövq edir. Statistikaya görə, orta hesabla dünyada zorakı ölümlərin yarısı intiharların payına düşür.

DST diqqəti buna yönəldir ki, hər il dünyada təxminən 800 min adam intihar edir. Üstəlik, uğursuz intihar cəhdlərinin sayı özünəqəsdlərin sayından 20 dəfə yüksəkdir. DST mütəxəssisləri hər 40 saniyədən bir intihar hadisəsi baş verdiyini xatırladır.

Məlumatlara görə, dünyada intiharların təxminən 30 faizini özünü pestisidlərlə zəhərləmələr təşkil edir. Həm də bu ölümlərin əksəriyyəti aşağı və orta gəlirli ölkələrin kənd yerlərində baş verir. Digər geniş yayılan özünəqəsd üsulları asma və odlu silahdan istifadədir.