David Cameron Britaniya parlamentindən istefa verir
12.09.2016 19:59
Britaniyanın keçmiş Baş naziri David Cameron Mühafizəkarlar partiyasından parlament üzvlüyünü tərk etdiyini bildirib.
O, Oxfordshire qraflığındakı Witney dairəsindən Britaniya parlamentinin İcmalar palatasına üzv seçilmişdi.
Bundan öncə isə o, gələn seçkilərədək millət vəkili qalacağını demişdi.
Cənab Cameron baş nazirlik vəzifəsindən iyunun 24-də istefa verib. Onun istefasının səbəbi Britaniyanın Avropa İttifaqından çıxmasına aparan Brexit referendumu idi.
Cameron Witney dairəsini parlamentdə 2001-ci ildən bəri təmsil edirdi. 2005-ci ildən isə Britaniyanın Mühafizəkarlar partiyasının rəhbəri idi.
İyun ayında keçirilmiş referendumda iştirak edənlərin çoxu Britaniyanın Aİ-ni tərk etməsinə səs verib. Brexit lehinə səs verənlər 52 faiz təşkil edib. //bbc.com/azeri
www.ann.az
Facebook
Bizi Facebookda izləyin
Oxşar xəbərlər
Oxşar xəbərlər
Foto
Video
