Van Qoq kəsdiyi qulağını kimə verib?

ANN.Az "The Art Newspaper"ə istinadən xəbər verir ki, həmin qadın bordeldə çalışan fermer qızı Qabriel Berlatye olub.

"Bu günə qədər hesab edilir ki, həmin qulaq rəssamın təsadüfi tanışına və ya bordel sahibinə çatıb", - deyə sözügedən nəşr yazıb.

 

Qeyd olunur ki, jurnalistlərə sözügedən məlumatı öyrənməkdə bu həftə işıq üzü görən Bernadett Merfinin "Van Qoqun qulağı: Həqiqi tarixçə" əsəri olub.

Bildirilir ki, psixi pozğunluqdan əziyyət çəkən Van Qoq qulağını Qabriel Berlatyeyə verib. Daha sonra isə Berlatye ərə gedib, uzun ömür sürüb və Van Qoqla görüşü barədə heç yerdə məlumat yaymayıb.