“Ermənistan “İskander"i Azərbaycana qarşı istifadə edə bilməz” - Erməni polkovnik

 

Publika.az Ermənistanın "İrates” qəzetinə istinadən xəbər verir ki, bu fikirləri işğalçı ölkənin parlamentinin deputatı, ehtiyatda olan polkovnik Gevorq Baqdasaryan bəyan edib.

 

G.Baqdasaryan deyib ki, Ermənistan "İskander-M” raketini Azərbaycana qarşı Rusiyanın icazəsi olmadan istifadə edə bilməz.

 

"Hətta, Türkiyəyə qarşı da bu silahdan istifadə olunması üçün icazə lazımdır. Vaxtilə Türkiyəyə məxsus helikopter Ermənistan ərazisini keçəndə, Ermənistan o helikopteri vura bilmədi. Bunu bizə qadağan etdilər. Ancaq Rusiyanın təyyarəsi Türkiyə sərhəddində olan kimi onu dərhal vurdular”.