Əhmədinicat yenidən prezident olacaq?

ANN.Az-ın xarici mediaya istinadən verdiyi xəbərə görə, Mahmud Əhmədinicat bəyan edib ki, gələn il İranda prezident seçkilərinə qatılmaq fikri yoxdur.

"Gələn il seçkilərdə iştirak etmək üçün heç bir planlarım yoxdur", - deyə Əhmədinicat bildirib.

Mahmud Əhmədinicat İran İslam Respublikasının 6-cı prezidenti olub.

Mahmud Əhmədinicat 1956-cı il oktyabrın 28-də Şimali İranın Səmnan vilayətinin Gərmsar şəhərinin Aradan kəndində, nalbənd ailəsində anadan olmuşdur. Etnik mənsubiyyəti barədə məlumatlar kəskin fərqlənir. Onun azərbaycanlı, talış, hətta yəhudi əsilli olması barədə fikirlər səsləndirilir.

2005-ci il iyul ayının 24-də keçirilmiş prezident seçkilərinin ikinci turunda qələbə qazanmış, həmin ilin avqust ayının 3-də bu vəzifədə Məhəmməd Hatəmini əvəz edib.

Prezident seçkiləri əsnasında Tehran bələdiyyəsinin başçısı olmuşdur. İxtisasca inşaat mühəndisidir və bələdiyyə başçısı olmamışdan əvvəl İran Elm və Texnologiya Universitetində müəllim işləyib və təhsilini də burada alıb. Əhmədinicatın professor elmi dərəcəsi var.

Evlidir. İki oğlu və bir qızı var.