"Türkiyədə FETÖ ilə bağlı 32 min nəfər tutulub" - NAZİR

"Report" xəbər verir ki, bunu Türkiyənin ədliyyə naziri Bəkir Bozdağ NTV telekanalına müsahibəsində bildirib.

"İyulun 15-dən indiyə kimi 70 min nəfər barəsində istintaq tədbirləri həyata keçirilib, 32 min nəfər isə həbs edilib, onlara qarşı cinayət işinə baxılır. Yeni həbslər ola, tutulanlardan bəziləri azad edilə bilər", - deyə nazir söyləyib.

B.Bozdağ bildirib ki, Ankarada böyük məhkəmə zalı yoxdur: "Ankaranın bəzi rayonlarında belə salonlar olsa da, yetərli deyil. İstanbulda belə problem yoxdur. Bu baxımdan hazırda Sincan rayonunda müəyyən işlər görülür".