ABŞ Rusiya ilə əməkdaşlığı dayandırır

"Report" "TASS" agentliyinə istinadən xəbər verir ki, bu barədə ABŞ Dövlət Departamentinin mətbuat katibi Con Kirbi bildirib.

"Birləşmiş Ştatlar Suriyada atəşkəs rejiminin bərpası üçün Rusiyayla ikitərəfli əlaqələrdə öz iştirakını dayandırır. Bu qərarın qəbulu çətindir", - deyə o bildirib.

ABŞ rəsmisi qeyd edib ki, buna səbəb Rusiyanın üzərinə götürdüyü öhdəliklərə əməl etməməsidir. Dövlət Departamentinin mətbuat katibi baş verənlərə təəssüf etdiyini bildirib.

Rəsmi Vaşinqton öz öhdəliklərinin yerinə yetirilməməsinə görə Moskvanı ittiham edir.