İslam Əməkdaşlıq Təşkilatının baş katibi istefa verib

Oxu.Az TASS-a istinadən xəbər verir ki, bu barədə "Əl-Ərəbiya” telekanalı məlumat yayıb. 

Telekanalın məlumatına görə, Madani öz postunu səhhəti ilə bağlı tərk etməli olub. 

Amma bir çox müşahidəçilər onun getməsinin səbəbini bu yaxınlarda Misir prezidenti Fəttah Əs-Sisinin ünvanına etdiyi və bir çox ərəb ölkələrində narazılığa səbəb olan zarafatda görürlər.  

Keçən həftə İƏT-in rəhbəri Tunisdə mətbut konfransında çıxış edərkən Tunis prezidentinin Əs-Sisi adlandırıb. 

"Dəhşətli” səhvə görə üzr istəyən baş katib öz səhvinin üstündən keçmək üçün Tunis prezidentinə "Əminəm ki, soyuducunuzda olan yalnız su deyil, cənab prezident” deyə bildirib. 

Qeyd edək ki, bir müddət əvvəl Şarm-Əş-Şeyxdə gənclər qarşısında çıxış edən Misir prezidenti Fəttah Əs-Sisi 10 il ərzində soyuducusunda yalnız suyun yer aldığını bildirib.