Tramp bu adamlara vəzifə verəcək - SİYAHI
10.11.2016 11:08
ABŞ-da keçirilmiş prezident seçkilərində qalib gəlmiş Donald Tramp gələcək administrasiyasında ən önəmli vəzifələrə təyinat ala biləcək şəxslərin seçiminə başlayıb.
Milli.Az The Wall Street Journal-a istinadən bildirir ki, ABŞ-ın baş prokuroru postu Nyu-Cersi ştatının qubernatoru Kris Kristiyə həvalə oluna bilər. O, Trampın müşaviridir və hakimiyyətin təhvil-təslimi ilə bağlı məsələlərlə məşğuldur.
Baş prokuror postuna ikinci namizəd Arkanzas ştatının qubernatoru Asa Hatçinsondur.
Səhiyyə və sosial xidmtələr naziri postuna namizədlər prezident seçkilərində iştirak etmiş respublikaçı Ben Karson ilə Luiziana ştatının qubernatoru Bobbi Cindldir.
Trampın administrasiyasında Nyu-Yorkun sabiq meri Rudolf Culiani və Nümayəndələr Palatasının sabiq spikeri Nyut Qinqriçin də yer alacaqları deyilir. Onların hansı postları tutacaqları bəlli olmasa da, gələcək administrasiyasının "özəyini" təşkil edəcəkləri deyilir.
www.ann.az
Telegram
Bizi Teleqramda izləyin
Oxşar xəbərlər
Oxşar xəbərlər
Foto
Video
