Qazlı içkilərin CİDDİ FƏSADLARI

Bu nəticəyə Kaliforniya Universitetinin mütəxəssisləri gəliblər. Alimlərin məlumatlarına görə, mütəmadi qazlı içki qəbulu və yatmamaq vərdişi bir-birini gücləndirir. Bu nəticə 19.000 insanın həyatını müşahidə etdikdən sonra əldə olunub.

 

Həmin insanların hamısı 2005-ci ildən 2012-ci ilə kimi baş tutmuş pəhrizin və sağlamlığın müşahidəsi milli proqramında iştirak ediblər. İştirakçılar analizlərini verib tam müayinədən keçərək, öz qidalanmaları və yuxuları haqqında danışırdılar. Alimlər sözügedən proqram iştirakçılarının pəhriz və yuxularını qarşılaşdırıblar. Müşahidədən sonra onlar müəyyən ediblər ki, mütəmadi olaraq, qazlı içkiləri qəbul edən insanlar gün ərzində cəmi 5 saat yartırlar.

 

Bundan əlavə, tədqiqatçılar qazlı içki asılılığı ilə yuxu arasındakı əlaqəni də müəyyən ediblər. Belə ki, gün ərzində 5 saat yatan insanlar digərlərinə nisbətən, 21% daha çox qazlı içki qəbul edirlər. 6 saat yatan insanlar isə normadan 11% daha çox qazlı içki qəbul edirlər. Yuxu ilə qazlı içki arasındakı əlaqə müxtəlif peşə sahibləri və sosial təbəqə nümayəndələri arasında müşahidə olunur.

 

Bununla yanaşı, sözügedən effekt yalnız qazlı içkilərin qəbul olunması zamanı müşahidə olunub. 2014-cü ildə isə alimlər müəyyən etmişdilər ki, qazlı içkilər uşaqlarda yaddaş pozğunluğuna gətriib çıxardır. //Technote.az