Dörd kameralı smartfonlar gəlir

İKT.lent.az-ın "vladtime.ru” saytına istinadən məlumatına görə, yaxın zamanlarda həm ikili əsas, həm də bir dənəli ön kamera istifadədən çıxarılacaq. 

Tərtibatçılar öz məhsullarında iki adi və iki ədəd ön kameranın olmasını nəzərdə tutublar. Təxmin edilir ki, belə smartfonların təqdimatı "CES 2017” mobil elektronika şousu zamanı baş tutacaq. 

Hazırda ancaq bir ədəd mümkün cihazın texniki detalları məlumdur. Bu cihaz 13 meqapiksel matrisalı əsas kamera ilə təchiz ediləcək. Bundan başqa, şəkil yaradıldıqdan sonra fokus nöqtəsinin dəyişdirilməsi imkanı da nəzərdən keçirilir. 

Cihazın AMOLED ekranı və "Google Android 7.0 Nougat” əməliyyat sistemi olacaq. Yeniliyin qiymətinə gəldikdə, burada da korporasiyanın siyasəti dəyişməz qalacaq. Əldə olunan cihaz orta statistik istifadəçinin cibinə zərbə vurmayacaq.