Hindistanda qatar qəzası: 91 ölü - YENİLƏNİB
20.11.2016 10:04
Hindistanın şimalında Kanpur şəhəri yaxınlığında sərnişin qatarının 14 vaqonunun relsdən çıxaraq aşması nəticəsində ölənlərin sayı 91-a çatıb.
APA-nın "RİA Novosti” agentliyinə istinadən verdiyi məlumata görə, ən azı 100 nəfər yaralı var.
Qəzanın dəmir yolu relsinin qırılması nəticəsində baş verdiyi ehtimal edilir.
***
Hindistanın şimalında sərnişin qatarının 14 vaqonunun relsdən çıxaraq aşması nəticəsində ölənlərin sayı 60-a çatıb, 150 nəfər xəsarət alıb.
APA-nın xəbərinə görə, bu barədə "Frans Press”ə Kanpur şəhərinin polis rəisi Zəki Əhməd bildirib.
İnsident Pukrayan şəhəri yaxınlığında baş verib. Qəzanın səbəbi hələlik məlum deyil. Qəzanın relsin sınması nəticəsində baş verməsi istisna olunmur.
*** 07.20
Hindistanın şimalında qatarın relsdən çıxması nəticəsində 24 nəfər ölüb, azı 100 nəfər xəsarət alıb.
Bu barədə APA "Assoşieyted Press”ə istinadən xəbər verir.
Məlumata görə, insident Pukrayan şəhəri yaxınlığında qeydə alınıb. Hadisə yerinə çoxlu sayda xilasedicilər və həkimlər cəlb olunub.
Qəzanın səbəbi hələlik məlum deyil.
www.ann.az
Instagram
Bizi Instagramda izləyin
Oxşar xəbərlər
Oxşar xəbərlər
Foto
Video
