İranlı milyarder edam olunmaya bilər
06.12.2016 17:06
İranda milyard dollarlıq korrupsiya cinayətindən edama məhkum edilən və cəzası Ali Məhkəmə tərəfindən təsdiqlənən məşhur azərbaycanlı iş adamı Babək Zəncaninin mənimsədiyi pulları geri ödəməsi halında cəzasının yüngülləşdirə biləcəyi açıqlanıb.
Modern.az xarici KİV-ə istinadən xəbər verir ki, Tehran baş prokuroru Abbas Cəfəri Devletabadi edam cəzası verilən Zəncani üçün qurtuluş yollarının hələ də mövcud olduğunu deyib.
"Zəncaninin mühakimə olunmasındakı prioritet məqsəd mənimsəmiş malların təhvil verilməsidir. Milyarder iş adamı mənimsədiyi pulları və dövlətə vurduğu maddi zərəri kompensasiya etməsi halında Cəza Qanunundakı "İslami mərhəmət maddəsi"ndən istifadə edə bilər”.
Qeyd edək ki, korrupsiya və sənəddə saxtalaşdırma edərək dövlətin 2,8 milyard dollar pulunu mənimsəməkdə günahlandıran Zəncani hazırda Evin həbsxanasındadır. Onun adı Amerikada həbsdə olan Rza Zərrabi ilə işbirliyində çəkilir.
www.ann.az
Telegram
Bizi Teleqramda izləyin
Oxşar xəbərlər
Oxşar xəbərlər
Foto
Video
