"İzlər göstərir ki, partlayışı PKK törədib" - Prezident köməkçisi

 

ANN.Az xəbər verir ki, bunu Türkiyə prezidentinin köməkçisi Numan Kurtulmuş "CNN Türk" telekanalına açıqlamasında İstanbulda baş verən partlayışı şərh edərkən deyib. Onun sözlərinə görə, partlayışı PKK təşkilatının törətdiyi ehtimal edilir:

 

"Hazırda partlayışı törətməkdə şübhəli bilinən 10 nəfər tutulub. İstintaq başlayıb, sorğuları davam etdirilir. Hər dəfə yeni məlumatlar əldə edilir. Ehtimallar və araşdırmalarımız onu göstərir ki, partlayışı PKK törədib. İzlər ondan xəbər verir ki, bu, uzun müddətdir planlanmış partlayışdır".

 

Qeyd edək ki, dünən 23:30 radələrində İstanbulda "Vodafone Arena" yaxınlığında Türkiyə polisinə qarşı partlayış törədilib. Hadisə nəticəsində 27 polis olmaqla, 29 nəfər ölüb, 166 nəfər yaralanıb.