Putin Yaponiya ilə saziş imzaladı - FOTOLAR

ANN.Az Rusiya prezidentinin rəsmi saytına istinadən xəbər verir ki, Putin səfər çərçivəsində Yaponiyanın baş naziri Sindzo Abe ilə görüşüb. Görüşdə Rusiya və Yaponiya arasında atom enerjisini sülh məqsədilə istifadəyə dair memorandum imzalanıb.

 

Toplantıda Putin və Sindzo Abe ilə yanaşı, iki ölkədən olan dövlət və hökumət nümayəndələri də iştirak edib. Sənədi Rusiya prezidenti Vladimir Putinin və Yaponiyanın baş naziri Sindzo Abenin iştirakı ilə Rosatom, Yaponiyanın İqtisadiyyat, ticarət və sənaye nazirliyi, Yaponiyanın təhsil, mədəniyyət, idman, elm və texnologiya nazirliyi imzalayıb.  

 

V.Putin bildirib ki, aparılan danışıqlar iki ölkə arasında olan münasibətlərin daha da inkişaf etməsində əhəmiyyətli rol oynayacaq. 

Sindzo Aber isə qeyd edib ki, Yaponiya və Rusiya arasında iqtisadi proseslərdə ziddiyyətlər olmadığından, bu münasibətlər daha rahat şəkildə həyata keçirilir. Nazir iki ölkə arasında prioritet layihələrin irəli sürüldüyünü bildirib.