İngiltərəli nazir Türkiyəni örnək göstərdi
19.12.2016 10:54
Böyük Britaniyanın beynəlxalq ticarət naziri Liam Foks İngiltərənin Türkiyə nümunəsindən faydalanacağını bildirib.
ANN.Az "Anadolu” agentliyinə istinadən xəbər verir ki, ingiltərəli nazir bu barədə BBC telekanalına açıqlamasında məlumat verib. Foks bildirib ki, İngiltərə Avropa İttifaqından çıxdıqdan sonra (Brexit) Türkiyə kimi Avropa İttifaqının Gömrük Birliyi üzvü olaraq fəaliyyətini davam etdirəcək.
Nazir İngiltərənin Gömrük Birliyində qalmasını sərbəst ticarəti üstün tutmaları ilə əlaqələndirib:
"Alternativləri yoxlamaq istəyirik. Avropa İttifaqından çıxmağımız qarışıq olmuşdu. Məsələn, Türkiyənin bir hissəsi Gömrük Birliyindədir, yarısı yox. Biz də bu cür edəcəyik və hökumət bütün variantları yoxladıqdan sonra ortaq qərar verəcək”.
Qeyd edək ki, Böyük Britaniyada 2016-cı ilin iyun ayında keçirilən referendum nətincəsində Brexitin lehinə səs verilib və ölkə Avropa İttifaqından çıxdığını elan edib.
Kamil ƏMİRLİ
www.ann.az
Twitter
Bizi Twitterdə izləyin
Oxşar xəbərlər
Oxşar xəbərlər
Foto
Video
