Mosulu daha 250 min nəfər tərk edəcək

Trend-in "Anadolu" agentliyinə istinadən verdiyi məlumata görə, bunu İraqın miqrasiya işləri üzrə naziri Casim əl-Caf deyib.

Nazir qeyd edib ki, təxminən 150 min nəfər Mosulun şərq hissəni tərk edib: "Yaxın günlərdə şəhərin qərb məhəllələrinin terrorçulardan azad edilməsi üzrə əməliyyat başlayacaq ki, bu da yeni qaçqın axınına gətirib çıxaracaq. Onların hamısı şəhərin şərqindəki qaçqın düşərgələrinə yerləşdiriləcək".

Bununla belə, əl-Caf əməliyyatın dəqiq tarixini açıqlamayıb.

Onun sözlərinə görə, İŞİD əleyhinə əməliyyatlarla əlaqədar olaraq, artıq 1,6 milyon İraq vətəndaşı öz evini tərk edib.

Xatırladaq ki, ötən il oktyabrın 17-dən Mosulun azad edilməsi əməliyyatı davam edir.