Alimlər sensasiyanı gerçəkləşdirdilər

Amerikalı milyarder İlon Maska məxsus "SpaceX" şirkəti dünyada ilk dəfə olaraq artıq istifadə olunmuş raketi yenidən kosmosa buraxa bilib. Həmin raketin ilk hissəsi bir qədər əvvəl dəniz platformasına uğurla qaytarılmışdı.

Milli.Az NBC-yə istinadən bildirir ki, "Falcon-9" raketi sensasiyalı nəticə vermiş sınaqdan sonra dünyada ilk dəfə bir yox, bir neçə dəfə istifadə olunan raketə çevrilib. İndi faktiki olaraq raketi yeni, üçüncü uçuşa hazırlamaq olar.

Raketin buraxılışı YouTube-da birbaşa translyasiya olunub.

"Fenomenal, təkrarsız, fantastik gündür! Tamamilə uğurlu buraxılış oldu, - "SpaceX"in sahibi və rəhbəri İlon Maks Twitter-də yazıb. - Yenidən Yerə qayıdış və daşıyıcı raketin növbəti uçuşa hazırlanması şirkətin 15 ilini aldı. Çoxları bunun mümkünsüz olduğunu desələr də, biz bacardıq".

"Falcon-9" raketinin ilk hissəsi ötən il istifadə olunmuşdu. Həmin uçuşda raket Beynəlxalq Kosmik Stansiya üçün yük aparan "Dragon" kosmik gəmisini çıxarmışdı.

"SpaceX" layihəsinin əsas məqsədi kosmik peyklərin buraxılışı ilə bağlı xərclərin azaldılmasıdır.

"SpaceX Qven"in prezidenti veb-translyasiya zamanı bildirib ki, şirkət nə zamansa raketlərdən təyyarələr kimi istifadə etməyi düşünür: "Ümid edirik ki, raket yerə enən günü yenidən kosmosa qalxa biləcək".

"SES-10" geostansionar rabitə peyki ABŞ-ın Florida ştatındakı Kennedi Kosmik Mərkəzindəki buraxılış meydançasında gerçəkləşdirilib.

Raketdən dəfələrlə istifadə yüklərin orbitə çıxarılması ilə xərcləri ən azı 34 faiz azaldacaq. Hazırda "Falcon 9" raketinin buraxılışı 62 milyon dollardır.
www.ann.az