Hindistanda uşaqlar diri-diri torpağa basdırılmış körpə tapıblar - VİDEO

ANN-ın Rusiya mətbuatına istinadla verdiyi xəbərə görə, əraziyə gələn şəxslər kompost gübrəsinin qalağı altında basdırılmış körpə aşkar ediblər. Beləliklə uşaqların sayıqlığı nəticəsində diri halda torpağa basdırılmış körpə xilas edilib.

Bildirilib ki, körpə göy əskiyə bükülmüş halda basdırılıb, üzü və ağzı isə səsinin boğulması üçün parça ilə bağlanıb.

Hüquq mühafizə orqanlarının əməkdaşları körpə qızı təcili şəkildə xəstəxanaya çatdırıblar. Onun cəmi bir neçə saat əvvəl dünyaya gəldiyi məlum olub. Həkimlər onun həyatı üçün təhlükə olmadığını bildiriblər. Faktla bağlı polis tərəfindən araşdırma başlanılıb. Körpənin valideynlərinin şəxsiyyəti aydınlaşdırılır.

Bildirək ki, bu cür hallara Hindistanda heç də az təsadüf edilmir. Kasıb ailələrdə qızın dünyaya gəlməsi xoşbəxtlik əlaməti hesab olunmur.

Belə ki, kasıb ailələr qızlarını ərə vermək üçün cehiz yığmaq məcburiyyətilə üzləşirlər ki, bir çoxlarının da bunu təmin etməyə imkanı çatmır. Qeyri-rəsmi məlumatlara əsasən, ölkədə qanunsuz abortlar son bir ildə bir neçə milyon qızın həyatına son qoyub.