Dünyanın ən yüksək əməkhaqqı alan top menecerləri məlum oldu.

anews.az Banco.az-a istinadən xəbər verir ki, siyahıya "Walmart”ın elektron ticarət üzrə baş direktoru və Jet.com-un təsisçisi Mark Lor baçılıq edir.

Agentliyin hesablamalarına əsasən, ötən il ərzində Lor 236 milyon dollar qazanıb, bu vəsaitdən 235 milyon dollar Jet.com kompaniyasını "Walmart” pərakəndəçisinə satmaqdan əldə olunub.

Siyahıda ikinci yeri isə "Apple” şirkətinin baş direktoru Tim Kuk tutub, illik gəliri təxminən 150 milyon dollar təşkil edib.

Gəlirlin böyük hissəsini – 141 milyon dolları direktor şirkətin səhmlərindən qazanıb. Ötən il ərzində Kukun əməkhaqqısı təxminən 3 milyon dollar təşkil edib.

Siyahıda üçüncü yeri, "Goldman Sachs”ın keçmiş vitse-prezidenti, hazırda isə "Evercore Partners” idarə heyətinin sədri olan Con Baynberq tutub, il ərzində təxmini qazancı 124 milyon dollar təşkil edib.

Dördüncü pillədə "Alphabet” (Google-un törəmə təşkilatı) şirkətinin baş direktoru Sundar Pitsai yer alır. Ötən il ərzində onun gəlirləri 106,5 milyon dollar təşkil edib. Həmin vəsaitdən 650 min dollar əməkhaqqı, 105,4 milyon dollar isə mükafatlar olub.

"Tesla”nın təsisçisi İlon Mask il ərzində 99,7 milyon dollar qazanıb ki, onun da 46 min dolları əməkhaqqı, 99,6 milyon dolları isə mükafatların payına düşür.

Həmçinin yüksək əməkhaqqı qazanan top menecerlərin siyahısına İBM-nin rəhbəri Cinni Rometti (96,7 milyon dollar), "Caesars Acquisition” baş direktoru Mitç Qarber (91,1 milyon dollar), "Viacom” şirkətinin sabiq direktoru Filipp Dauman (87,8 milyon dollar), "CBS Corporation”un direktoru Lesli Munvs (83,6 dollar) və "Gamco Investors”un baş direktoru Mario Qabelli (75,9 milyon dollar) daxil olub.