Bu qərar müharibəyə səbəb olacaq

ABŞ Dövlət Departamenti, Pentaqon və kəşfiyyatın ali rəhbərliyinin nümayəndələri Ağ Evi Amerikanın İsraildəki səfirliyini Qüdsə (Yerusəlim) daşımamağa çağırırlar.

Anews.az Publika.az-a istinadən xəbər verir ki, bu haqda ABŞ administrasiyasındakı mənbələrə istinadən CNN telekanalı bildirib.

Diplomatik missiyanın köçürülməsinə qarşı çıxanların fikrincə, belə qərar sülh prosesinə mənfi təsir göstərəcək və regional riskləri artıracaq.
Eyni zamanda prezident Donald Trampın bir sıra məsləhətçiləri prezidenti seçkiqabağı vəd yerinə yetirməyə çağırırlar. Onların fikrincə, ABŞ prezidenti gələn həftə İsrailə planlaşdırılmış səfərin gedişatında Qüdsü yəhudi dövlətinin paytaxtı kimi tanıdığını və ABŞ səfirliyinin Təl-Əvivdən Qüdsə köçürülməsi barədə qərarı elan etməlidir.

ABŞ-ın yeni prezidenti Donald Trampın sələfi Barak Obama da iki prezidentlik müddətində Qüdsün İsrailin paytaxtı olaraq tanımasını nəzərdə tutan qərarı təsdiqləməyib. Ancaq şəhərin mübahisəli statusuna görə hər ABŞ prezidenti bu qərarın yarım il təxirə salınmasını nəzərdə tutan sənədi imzalayır. Telekanal qeyd edir ki, vetonun müddəti iyunu 1-də başa çatır.
1949-cu ildən İsrail Qüdsü paytaxt elan edib. 1967-ci ildən İsrail bütün şəhər ərazisinə nəzarət edir. Şəhərin şərq hissəsi üzərində İsrailin suverenliyi, eləcə də şəhərin bütövlükdə İsrail paytaxtı kimi statusu beynəlxalq ictimaiyyətin əhəmiyyətli hissəsi tərəfindən tanınmayıb. Bütün xarici səfirliklər Təl-Əvivdə yerləşir.
Bir neçə gün isə Likud Partiyasının toplantısında çıxışı zamanı İsrailin baş naziri Benyamin Netanyahu Qüdsü növbəti dəfə yəhudilərin və İsrailin əbədi paytaxtı adlandırıb.
"Amerika da daxil olmaqla, bütün səfirliklər Qüdsə köçürülməlidir. Onların yeri məhz Qüdsdür”, – deyə o bildirib.
Qeyd edək ki, İsraillə Fələstin arasında ən ciddi mübahisələrdən biri Qüdslə bağlıdır. Hər iki ölkə bu şəhəri müqəddəs sayır və paytaxtı hesab edir.
www.anews.az