Donald Trampın daha bir yüksək vəzifəli işçisi istefa verib

Ağ evin kommunikasiya məsələləri üzrə direktoru Maykl Dabke istefa verib.

"Report” "Politico”ya istinadən xəbər verir ki, ABŞ Prezidenti Donald Tramp onun istefasını qəbul edib.

 M.Dabke istefa ərizəsini mayın 18-də yazıb.

Qeyd edək ki, o, bu posta 2017-ci ilin fevralında təyin olunub.

Xatırladaq ki, ABŞ prezidentinin milli təhlükəsizlik məsələləri üzrə müşaviri Maykl Flinn vəzifəyə təyin edildikdən 3 həftə sonra Rusiya ilə gizli danışıqlarla bağlı istefa verib. Milli təhlükəsizlik üzrə müşavirin müavini Ketlin Makfarlend isə bu vəzifədə cəmi 3 ay çalışdıqdan sonra postundan ayrılıb.