Dünyanın ən böyük təyyarəsi anqardan çıxarıldı — VİDEO

"Ölkə.Az" xəbər verir ki, Kaliforniya ştatının Moxave səhrasında dünyanın ən böyük nəqliyyat təyyarəsi anqarı tərk edib. Bu təyyarə raket daşıyıcıları da buraxmaq imkanına sahibdir. 

Təyyarəni hazırlayan "Stratolaunch" şirkətindən bildiriblər ki, təyyarənin qanadlarının ümumi uzunluğu 117 metrdir. Təyyarə 230 ton çəkiyə sahibdir. Hündürlüyü 15 metr olan laynerin şassisi 28 təkərlə təchiz edilib.

Texniki göstəriciləri təyyarəyə 250 ton yük daşımağa imkan verir. "Stratolaunch" təyyarəsindən "Pegasus XL" raket daşıyıcısının hava platforması kimi istifadə etmək nəzərdə tutulub. Bu təyyarələr Yerə yaxın orbitə yük daşıyacaqlar. İlk mərhələdə layner bir raket aparacaq. Növbəti mərhələdə raketlərin sayı 3-ə qədər arta bilər.

Yaxın vaxtlarda təyyarənin sınaq uçuşları baş tutacaq.