Seneqal Qətərdəki səfirini geri çağırır

Anews.az TASS-a istinadən xəbər verir ki, bu barədə Seneqal Xarici İşlər Nazirliyinin bəyanatında deyilir. 

"Seneqal 2017-ci ilin iyun ayının 7-də Qətərdəki səfirini geri çağırmaq qərarına gəlib”, - Seneqal XİN-in yaydığı bəyanatda deyilir. 

 

İyunun 5-də Misir, Səudiyyə Ərəbistanı, Bəhreyn və BƏƏ Dohanı terror təşkilatlarını dəstəkləməkdə və Yaxın Şərqdə sabitliyi pozmaqda ittiham edərək, Qətərlə diplomatik əlaqələrin kəsildiyi bildirib. Daha sonra bu dövlətlərə Yəmən, Liviyanın müvəqqəti hökuməti, Maldiv və Mavriki də qoşulub. İordaniya Dohada  diplomatik nümayəndəliyinin fəaliyyət səviyyəsinin azaldığını bəyan edib. Qətərin DİN rəhbəri Dohanın cavab addımları atmayacağını deyib.