BBC-nin xəbər aparıcısından canlı yayımda qəribə addım – VİDEO

Britaniyanın BBC telekanalında xəbərlər verilişinin aparıcısı Hyu Edvards texniki nasazlıq üzündən canlı yayımda iki dəqiqədən çox dinməzcə oturub.

Anews.az Report-a istinadən xəbər verir ki, bu barədə "The Guarduan” məlumat yayıb.

Tamaşaçıları təəccübləndirən hal efirdə cansıxıcı sükutun yaranması deyil, jurnalistin çox sərt və gərgin üz ifadəsi olub. Bununla belə, sakitliyi bir neçə dəfə efirə gedən "Xəbərlərin təcili buraxılışı” verilişinin anonsu pozub. Bundan sonra telekanal işini dayandırıb.

Veriliş 4 dəqiqə gecikmə ilə bərpa olunub. Edvards buraxılışa salamlama və nasazlıqla əlaqədar üzrxahlıqla başlayıb.

İnsident sosial şəbəkələrdə müzakirə mövzusu olub.