Rusiyadan IT sahəsinə böyük yatırım - 200 MİLYARD

Rusiya hakimiyyət orqanları 2017-ci ildə informasiya texnologiyalarına 200 milyard rubl (təxminən 3,3 milyard dollar) xərcləyəcək.

Anews.az lent.az-a istinadən xəbər verir ki, bunu Rusiya prezidenti Vladimir Putin Strateji İnkişaf və Prioritet Layihələr üzrə Şuranın iclasında deyib. "Cari ildə federal və regional hakimiyyət orqanları informasiya texnologiyalarına təxminən 200 milyard rubl sərf edəcək”, - deyə o, söyləyib. Dövlət başçısı vəsaitlərin effektiv istifadəsi üçün konkret qərarlar təklif edilməsini istəyib.

V. Putin 2016-cı ildə Rusiyada internetin sürətinin 29% artdığını da açıqlayıb: "Ötən il Rusiyada internetin orta sürəti 29% yüksəlib. Bu, Fransanın, İtaliyanın səviyyəsidir. Simsiz şəbəkələrin yayılma dinamikası sahəsində biz aparıcı dövlətlərin səviyyəsindəyik”.

V. Putin 2010-2016-cı illərdə internetə çıxışı olan ev təsərrüfatlarının sayının 48,4%-dən 74,8%-ə yüksəldiyini vurğulayıb.
www.anews.az