Rusiya XİN: İnternet resurslarımıza haker hücumları olub

anews.az-ın APA-ya istinadən verdiyi məlumata görə, bu barədə Rusiya XİN-in rəsmi nümayəndəsi Mariya Zaxarova bu gün keçirdiyi brifinqdə bildirib. 

Onun sözlərinə görə, haker hücumu iyunun 29-da günün birinci yarısında baş verib: "Rusiya XİN-in elektron poçtu genişmiqyaslı haker hücumuna məruz qalıb. Araşdırma zamanı məlum olub ki, iyunun 29-da günün birinci yarısında mid.ru domeninin istifadəçilərinin ünvanına kütləvi göndərişlər olub. Bu genişmiqyaslı haker hücumundan sonra Rusiya XİN öz internet resurslarının qorunması üçün əlavə tədbirlər görüb”.